التصنيفات
all

تجربة تنصيب (الهاكنتوش Hackintosh)

الكاتب: حكيم طالب
راح احجيلكم اليوم عن تجربتي بتنصيب (الهاكنتوش Hackintosh)
الهاكنتوش هي عملية تثبيت نظام الماك على حاسبة او لابتوب مو ماك (يعني تنصب نظام الماك على حاسبة او لابتوب عادي ما مسوي شركة ابل)

مقدمة بسيطة عن بدايتي بهذي العملية:
اول هاكنتوش نصبتة على لابتوب (Lenovo Y50-70) قبل اربع سنين تقريبا والي هوة نفسة لابتوتي الي استخدمة حاليا لكن بوكتها جانت تجربة جدا جدا فاشلة بشكل مو طبيعي وهواي اخطاء ارتكتب منها انه مجنت اعرف شكاعد اسوي فحملت نظام ماك معدل (يعني ما حملتة من ابستور ابل الرسمي) اعتقد جان اسمة (iATKOS) وايضا جربت نظام اخر معدل اسمة (Niresh) حسب ما اذكر لكن للاسف من نصبتهن جانت اللاب غير متجاوبة وبطيئة جدا بالاضافة انه التعجيل مال معالج ميشتغل (يعني من يشتغل اي فديو او فلم او حتى اليوتيوب مثلا يشتغل ٥ فريمات بالثانية او اقل) ومستوى البطارية هم جان ميشتغل. ما اريد اطولها عليكم مشاكل كثيرة لا تعد ولا تحصى.
نجاح التجربة بالوقت الحاضر:
اما الان فالحمد لله كدرت اطور من تجربة التنصيب عن طريق مدونات مختلفة وتجارب اشخاص اخرين.
قبل شهر تقريبا بديت اتعلم بشكل صحيح عن شلون اكدر اثبت الهاكنتوش (كنظام خام من شركة ابل بحيث حملتة من الابستور) بطريقة صحيحة وبعد حدود ٣٠ محاولة تقريبا منها الفاشلة ومنها الناجحة جزئيا. والمحاولة الاخيرة كانت ناجحة تماماً والحمد لله.

البوت لودر (Bootloader) الي جنت استخدمة اسمة Clover لكن صار جدا قديم وبطيء والان حولت الى بوت لودر احسن بكثير من عندة وهو OpenCore وهذا جدا اسرع من الي قبلة خاصة بعملية الاقلاع وتحميل الدرايفرات (Kexts) الخاصة بالنظام.

ملاحظة:
اغلب قطع الهاردوير عرفتها وتشتغل بشكل طبيعي (جانت متشتغل سابقا) مثلا
1. WIFI
2. Bluetooth
3. Trackpad
4. Battery Management and battery indicator
5. (Backlight Control (Intel PWM Control
6. All USB 3 ports
7. تعجيل المعالج (الي يسمحلي اباوع الفديو بفريماتة الفعلية بدون تقطيع)اكو سلبية وحدة فقط وهي خاصية الAirdrop غير مدعومة بكارت الwifi لذلك ميشتغل لازم الة ابدل كارت الwifi بكارت اخر مدعوم بشكل اساسي بحاسبات الماك الحقيقية.

شنو رأيكم؟
هل جربتوا قبل تنصبون هاكنتوش؟ اذا اي سولفولنا عن تجاربكم

تابعونا على الشبكات الاجتماعية :

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *